開學了!

9月1日開學喇!同學準時開開心心返學！

 

 

 家長都一齊返學，大家睇下幾熱鬧！

 

 

  早會上，校長同各位同學打招呼！

 

 

仲有叻叻卡宣傳，家長亦率先收到叻叻卡添！

 

 

最後，班主任帶我地開開心心上課室～～

2014開心暑假分享

同學仔今個暑假點過呢？一齊睇下同學仔既暑假有幾精彩啦！

第十五屆世界華人作文比賽

由陸陳漢語語言學校舉辦「第十五屆世界華人作文比賽」，香港分賽區頒獎禮將喺7月17日假香港會議展覽中心舉行。結果我地學校共有25位同學獲獎，其中1位仲獲得一等獎，3位同學獲得二等獎，9位同學獲得三等獎，12位同學獲得優異獎，並有14 位老師獲得優秀老師指導獎，而且本校連續七年獲得香港賽區頒發優秀組織獎，表現出眾。　

 

 

 

　

2014亞洲國際數學奧林匹克公開賽總決賽

六位同學代表香港前往四川成都參加「2014亞洲國際數學奧林匹克公開賽總決賽」，成員分別係3B陳偉謙、4A吳倬僖、5A陳賢善、6A郭泳儀、游梓茵和劉嘉慧。結果3B陳偉謙、4A吳倬僖、5A陳賢善獲得總決賽銅奬！另外，6A郭泳儀、游梓茵和劉嘉慧獲得優異獎，恭喜他們獲得獎項﹗真值得讚許﹗

 

 

 

 

2014年國際心算邀請賽

我地亦有同學前往台灣參加「2014年國際心算邀請賽」。海外A組比賽入面，梅浩霆獲得第二名，而黎運軒就獲得第四名；海外幼童組方面，黎映彤同學就獲得第三名，成績非常好！

 

 

 

　

2014國際機械奧運會比賽

八月份，彭思憲主任及張明珠老師帶領學生6C李琳琳及3B劉峻杰前往香港大學參加「2014國際機械奧運會比賽」而且仲獲得冠軍！

 

 

 　

足球培訓班

有13位同學參加左足球培訓班，透過專業教練的指導，大家從中獲益良多，球技大有進步，身體平衡力與靈活性都提高左！梁SIR仲用專業戰術板教同學比賽走位要點，隊員都非常留心聆聽！

 

 

 

　

小型壁球培訓班

暑假期間舉行小型壁球培訓班，同學由熱身至到拎起球拍都好認真架！經過教練一番細心教導後，同學仔都學得似模似樣呀！

 

 

 

　　

童軍填色比賽

1B班既曾梓憲同學同佢既家長，喺童軍捐血活動中既填色比賽獲得全港親子組季軍！當日仲有老師陪同佢地出席活動上既頒獎禮添！

 

中體聯水運會

賴潔心主任帶領同學參加中體聯水運會，其中2B林顯揚同學以及1C 李錦儀同學都獲得個人既獎項！可以做運動又有獎項，真係好開心呀！

 

嘩～～今個暑假真係好充實又精彩呀！同學仔都一齊同校長、老師以及同學分享下自己既暑假開心事啦！

聯合畢業典禮

2014年6月5日為13-14年度博愛醫院歷屆總理聯誼會梁省德學校、鄭任安夫人學校及鄭任安夫人千禧小學聯合畢業典禮。當天邀得教育局首席助理秘書長(專業發展及培訓)容寶樹先生及博愛醫院歷屆總理聯誼會主席鍾就華先生蒞臨主禮。

 本校醒獅隊引領眾嘉賓進場。

本校校監陳錦福先生為典禮致歡迎詞。

教育局首席助理秘書長(專業發展及培訓)容寶樹先生為典禮致訓詞

本校校董李家松O.St.J太平紳士為典禮致謝詞

當天還有很多家長到場觀禮，見證學生們重要的時刻。

六年級畢業生們上台授憑拍照及領取各項獎項。

 

 

 

 

 

 

 
最後祝各位六年級畢業生前程錦繡，在新的學習領域上更上一層樓。